|
Pagbasa ng Kuwentong Katatakutan at Pagsagot ng mga Tanong
|
High score: 0
|
- Basahin at unawain ang kuwento.
Ang mga Bulaklak sa Bakuran
Sa lahat ng gawaing-bahay, paborito ni Anna ang pagdidilig ng mga halaman sa kanilang bakuran. Labis ang tuwa niya tuwing namumulaklak ang kanilang mga tanim, lalo na’t maraming bulaklak ang inaalagaan ng kaniyang ina.
Malapit sa tarangkahan ang bougainvillea na may matingkad na kulay—dilaw, pula, lila, pink, at orange. Itinanim ito ng lolo ni Anna noong bata pa ang kaniyang ina, kaya’t nahilig din ito sa pag-aalaga ng bulaklak.
Sa harapan ng bakod ay may mga santan na puti, dilaw, at pula. Sa gilid naman ay makikita ang makukulay na gumamela. Nakasabit sa puno ng bayabas ang mga orkidyas, at sa isang malaking paso ay nakatanim ang sunflower na laging nakaharap sa sikat ng araw—na siya naming kinaaaliwan ni Anna.
Dahil sa pagkahilig sa mga bulaklak, nanghiram si Anna ng aklat mula sa aklatan ng paaralan. Tuwang-tuwa siya sa mga bagong kaalaman.
Nalaman niyang simbolo ng magandang kapalaran ang santan— kaya raw maganda itong itanim sa harapan ng bahay. Ang gumamela ay tinatawag na hibiscus sa ibang bansa. Ito ang pambansang bulaklak ng Malaysia at state flower ng Hawaii. Ang bougainvillea ay sumisimbolo sa katatagan dahil tumutubo ito saan mang uri ng lupa o klima. Kagandahan at pagkamayumi naman ang ipinapahiwatig ng orkidyas. Ang sunflower ay sagisag ng pag-asa at magandang kinabukasan.
Dahil sa mga natutuhan ni Anna, lalo niyang minahal ang paghahalaman. Mas naging makabuluhan din ang oras nilang mag-ina dahil magkatulong sila sa pagtatanim habang masaya silang nagkukuwentuhan.
- Sagutin ang mga tanonng tungkol sa binasang kuwento. Piliin ang tamang sagot.
|
1.
Anong katangian ni Anna ang ipinakita sa kuwento?
pagiging mapagmahal sa mga pamangkin
pagiging matulungin sa mga gawaing-bahay, lalo na sa paghahalaman
pagiging mapagmahal na anak
|
|
2.
Bakit nahilig si Anna sa paghahalaman?
Natutuwa siya sa tuwing namumulaklak ang kanilang mga tanim.
Ipinagbibili niya ang mga bulaklak sa kanilang bakuran.
Gusto niyang pinupuri siya ng ibang tao.
|
|
3.
Ano ang kasingkahulugan ng salitang “pagkamayumi” na ginamit sa kuwento?
mabini at mahinhin ang kilos
magaspang ang pag-uugali
malakas ang pagsasalita
|
|
4.
Ano-ano ang natutuhan ni Anna mula sa pagbabasa tungkol sa mga bulaklak?
Pag-asa sa magandang kinabukasan ang simbolo ng sunflower.
Hibiscus ang isang tawag sa santan.
Simbolo ng pagkamayumi ang orkidyas.
Ang bougainvillea ay tumutubo sa kahit anong lupa at klima.
|
|
5.
Ano ang iyong mararamdaman kapag malago at mabulaklak ang halaman sa iyong tirahan? Piliin ang angkop na emoji o emosyon para sa iyong sagot.
|
